Problemet sociale në Bashkinë Fier dhe koordinimi i informacionit për familjet në nevojë, kanë qenë fokusi i bisedës së drejtuesit të fondacionit “Fundjavë Ndryshe”, Arbër Hajdari së bashku me Kryetarin e Bashkisë Fier Armando Subashi. “Fundjavë Ndryshe” ka strehuar 28 familje në shtëpi të re, e po kështu ka vijuar me misionin për të ndihmuar me rastet shëndetësore dhe me ndihma emergjente. Por kjo punë nuk ndalet me kaq, pasi famijet që janë strehuar në shtëpitë e reja, kanë nevojë për strabilizimin dhe progresin për të ecur përpara. Po kështu, Arbër Hajdari ka takuar edhe Prefektin e Qarkut Fier, Lefter Shehaj së bashku me Drejtorin e Sherbimit Social Alber Sema, ku temat e diskutimit ishin në kuadër të bashkëpunimit për projektet sociale dhe emergjencat.
“Në Bashkinë Fier, janë 28 familje që kanë marrë shtëpi të re nga bamirësit e Fundjavës gjatë aktivitetit tonë, janë gjithashtu 35 raste shëndetësore dhe 920 familje të ndihmuara periodikisht me ndihma emergjente. Sigurisht që pas marrjes së shtëpive, familjet kanë nevoja të ndryshme për stabilizimin dhe progresin që duhet të bëjnë për të ecur pëpara.
Sot takova Kryetarin e Bashkisë Fier, Z. Armando Subashi, me të cilin diskutuam për problemet sociale në këtë qytet dhe koordinimin e informacioneve për familjet në nevojë. Gjithashtu takova dhe Prefektin e Qarkut Fier Z. Lefter Shehaj së bashku me Drejtorin e Sherbimit Social Z. Alber Sema ku temat e diskutimit ishin në kuadër të bashkëpunimit për projektet sociale dhe emergjencat”.
