Të hënën në mbrëmje në afërsi të stadiumit ‘Dinamo’ në Tiranë u ekzekutua Jurgen Kurti. 26-vjeçari njihej si menaxheri i VIP-ve dhe ishte një emër i njohur për policinë, pasi disa vite më parë ishte akuzuar për vrasjen e babait. Po ashtu emri i tij u përfshi edhe për një vrasje në Durrës, por që sërish nuk u dënua.
Ish-drejtuesi i policisë, Mit’hat Havari ka reaguar pas atentat që iu bë Kurtit në afërsi të shtëpisë. Në një postim në rrjetet sociale, Havari e ka quajtur Jurgen Kurtin një kriminel, mostër që vrau babanë e tij dhe ia la autorësinë dajës.
“Vrasja e një krimineli dje tregoi qartë në ç’gjendje të rëndë është drejtësia Shqiptare përfshi polici, prokurori, gjykatë.
Mostra vrau të atin para pak vitesh, e kamufluan dmth korruptuan sistemin dhe e mori daja i tij autorësinë e vrasjes , si i thonë dajua vret për nipin .
Keshtu shkoi daja ne burg ne vend te vrasesit dhe vazhdon brenda ne burg.”-shkruan Havari.
Më tej ish-drejtuesi i policisë shkruan se mostra vrau edhe një tjetër person. Gruaja kërkoi drejtësi, por nuk u vu kurrë.
“Me siguri tani që nipi u vra , ai do kërkoj të dali nga burgu me pretekstin se nuk e vrau ai por nipi .
Po ky mostër në 2017 masakroi deri në vdekje një fakir në Durrës, ulëriti e mjera grua kërkoi drejtësi , por drejtësia kish vdekur mostra vazhdoi i lirë.
Të gjithë heshtën në Durrës , nga policia prokuroria e në vazhdim.
Por kur nuk vepron shteti vepron vetëgjyqësia , unë uroj ta kenë vrarë për atë nga Durrësi hallall”-shkruan Mit’hat Havari.
Në fund Havari shkruan se nuk është mirë që reagon kështu, por e bën nga urrejtja që ndjen për organet ligj zbatuese.
“Ndoshta nuk është mirë që reagoj kështu , por e bëj nga urrejtja që ndjej për organet ligjzbatuese .
Në ferr shkoftë , djali që vret babain e tij.
Kujt i duhet vallë ?”-përfundon postimin e tij ish-drejtuesi i policisë.
