Kryetari i PD-së, Lulzim Basha, la të kuptojë se nuk do të ketë takim kokë më kokë me kryeministrin Rama. Pak më herët, në një prononcim për mediat nga selia e PD-së, Basha tha se në dispozicion të kryeministrit është plani që PD ka përgatitur për të nxjerrë vendin nga kriza, por dhe për Reformën Zgjedhore. Lidhur me këtë program ka folur edhe kryetarja e LSI-së, Monika Kryemadhi. Ajo shprehet se kjo platformë do i japë zgjidhje krizës politike.
PD propozoi një formulë ekstraparlamentare për Reformen Zgjedhore, ku do marrin pjesë përfaqësues nga PD, PS dhe të huaj…
E para s’është e vërtetë, është një strukturë strategjike, do të thotë një palë përfaqesues nga mazhoranca, një palë nga opozita dhe nga ndërkombëtarët që kanë qenë kryesorët që janë marrë me çështjet zgjedhore.
Por ajo që është propozuar është një nga nëntë pikat e kushteve të Bundestagut, që janë shumë të rëndësishme, kështu e gjithë kjo struktura me kushte e nënkushte, janë të domosdoshme që duan zgjidhje dhe është e vetmja platformë që nxjerr vendin nga kriza. Basha nuk përfaqëson PD, por përfaqëson opozitën.
PS e ka bërë të qartë se nuk e pranon këtë strukturë, cili do jetë qëndrimi juaj?
Ne do vazhdojmë në agjendën tonë, kjo domethënë që Rama ka qënë përherë pengese dhe kundër dialogut, tregon se Rama ka problemin të ruajë kokën e tij. Por tani problemi është si të nxjerrim vendin nga kriza e ti japim shanset atyre që kanë ikur të kthehen në vendin e tyre, s’është më çështja çfarë thotë Rama, është si të nxjerrim vendin nga kriza.
Rama ka thënë se është i gatshëm të vij në PD, për të diskutuar për Reformën Zgjedhore.
Të vijë ai, por në emër të PD ka 5 kushtet që ia kemi vënë, pastaj hajde flasim. Se ai është humorist i devotshëm, sidomos kohët e fundit që kemi mbet edhe pa humorist.
