Kronikë

“Në Dibër ka shpërndarë armatime”/ Policia çon në Gjykatë Xhemal Gjunkshin

               Publikuar në : 22:42 - 26/06/19 Enno

Policia e Shtetit ka reaguar lidhur me deklaratën e ish-deputetit të PD, Xhemal Gjunkshi, ku pretendon se Policia e Dibrës ka shpërndarë armë në qytet.

Teksa e quan deklaratën e ish-deputetit një shpifje, Policia bën me dije se do të ngre padi ndaj Gjunkshit për gjithë çfarë ka deklaruar.

“Policia e Shtetit e hedh poshtë me përbuzje një deklarim të tillë, që në fakt të vetmin reagim që meriton është padia ndaj deklaruesit Gjunkshi në gjykatë. Aty ai do të duhet që përpara ligjit të sqarojë motivet e kësaj insinuate të ulët.

Policia e Shtetit gjen rastin të garantojë qytetarët se është në krye të detyrës dhe e angazhuar për mbarëvajtjen e procesit zgjedhor dhe sigurinë e tyre në tërësi.

 Për çdo informacion që disponon, çdokush mund të denoncojë në kushte anonimati në numrin unik 112 ose numrin falas të SHÇBA, 0800 90 90”, thuhet në reagim.

Kthehu
WhatsApp Denonco ne TT