Kreu i KLP, Gent Ibrahimi deklaroi për mediat se në datën 20 dhjetor nuk do të ketë më Gjykatë për Krime të Rënda. Ai tha se kjo do të zëvendësohet me SPAK, ndërsa argumentoi se intervistimet me 3 kandidatët për kreun e SPAK do të bëhen në 18 dhjetor.
“Në datën 18 do të bëhen intervistimet, kemi 3 kandidatë. Dosjet e tyre janë në Këshill. Ne kemi një rregullore për mënyrën e vlerësimit të tyre, dhe do ti dëgjojmë ato. Seanca do jenë publike, do bëjmë një mbulim qendror siç bëmë me kryeprokurorin”.
Ibrahimi shpjegoi se SPAK do të ketë më shumë se 10 prokurorë, por 8 do të fillojnë punën menjëherë. Ai shtoi se struktura do të plotësohet në vazhdimësi. “Në 19 do të fillojnë punën 8 prokurorët. Struktura do të plotësohet në vazhdimësi. Do të ketë më shumë se 10, për këtë ju garantoj, por mekanizmat për të arritur deri atje janë disa.
Dosjet e tyre janë në Këshill. Seancat dëgjimore do të zhvillohen më 18 dhjetor, dhe do të jenë publike. Besoj do të jetë njësoj si me prokurorët e përgjithshëm. Do t’i vlerësojmë këto kandidatë mbi 7 kritere. Ne kemi marrë një vendim në bllok, që këta prokurorë kanë shërbyer tek Krimet e Rënda.
Më datën 19 do të fillojnë punë tetë prokurorët që kemi zgjedhur. Kur bëhet fjalë për ristrukturim, nuk shohim kërkesat e prokurorëve, por nevojat e sistemit. Nevojat më të mëdha janë më shumë në Tiranë, por edhe në Durrës ka probleme.
Problemet në Tiranë janë më të mëdha. Prokuroria e Krimeve të Rënda ka qenë ligjërisht si prokuroria karriere. Jo të gjithë kanë shkuar në SPAK. Në datë 20 nuk do ketë as Gjykatë dhe as Prokuroria të Krimeve të Rënda. Vendimet tona hyjnë në fuqi me datën 19. Do ju duhet të mësonin me ndarjet e reja dhe të përgjegjësive të Prokurorisë. Ky Këshill është shumë distant me rastin konkret. Ato janë kompetencat e kryeprokurorit”.
