Nuk janë të paktat rastet kur Ralf Gjoni ka përplasje të forta me kreun e Kuvendit, Gramoz Ruçi. Edhe gjatë seancës së sotme në Kuvend, Ruçi i ka tërhequr vemendjen Gjonit për sjelljen e tij aspak etike.
Deputeti Ralf Gjoni, ka akuzuar mazhorancën për shembjen e godinës së Teatrit Kombëtar. Gjoni solli si shembull vendet e tjera evropiane, që sipas tij, kanë ruajtur edhe “kolibet” e peshkatarëve si simbol historik. Në shenjë simbolike, ai nxorri nga xhepi një lëpirëse, dhe tha se deputetët e PS duan vetëm lëpirëse. Por menjëherë ka ndërhyrë Ruçi, i cili i ka tërhequr vërejte. Ai tha se Gjoni ka shkelur etikën.
Ralf Gjoni: Çdo komb krenohet me historinë e tij. Edhe Kopenhagu mbrojti portin e peshkatarëve të vjetër. I kanë mbajtur, i kanë ruajtur megjithëse janë si kolibe po t’i shohësh nga jashtë. Çfarë lloj speciesh jeni mor? A ka ndonjë socialist që lidhet me Tiranën? Lëpirësa lolipopi, juve meritoni vetëm lolipop.
Ruçi: Zoti deputet, ju tërheq vëmendjen për etikën parlamentare. Nuk të kërkova se ç’fut nëpër xhepa. Në daç mbaji në xhep në daç mbaji në gojë. Unë flas për ato që nxjerr ti nga goja, jo për ato që ti fut në gojë.
