Seanca e radhës parlamentare do të mbahet më 13 mars dhe jo të enjten më 14. Zhvendosja e datës së seancës është vendosur pasi 14 marsi është festë zyrtare në vend.
Ndërkohë, opozita ka paralajmëruar protestë më 16 mars, ndërsa nga ana tjetër ajo po ndjek një strategji të tillë të zhvillimit të protestave çdo herë që mblidhet Kuvendi.
Nuk dihet nëse opozita do të organizojë strukturat për zhvillimin e një tjetër proteste pikërisht të mërkurën më 13 mars, kur është vendosur të mblidhet Kuvendi.
