Gjykata e Shkallës së parë në Vlorë ka vendosur masën “arrest me burg” për Edlira Shehun, ish-sekretare gjyqësore në Gjykatën Administrative në Vlorë.
Ajo u arrestua para dy ditësh dhe ndaj saj rëndojnë akuza për ndryshimin e vendimeve të gjykatës për përfitime personale. Nga hetimet e kryera ka rezultuar se përgjatë periudhës kohore dhjetor 2018 – nëntor 2019, kur ajo ka qenë në marrëdhënie pune, dyshohet se ka ndryshuar disa vendime të gjykatës duke i favorizuar palët sipas interesit vetjak.
Seanca gjyqësore ka nisur rreth ore 9 të mëngjesit dhe ka zgjatur për 40 minuta. Ajo akuzohet për shpërdorim detyre dhe Zhdukje ose humbje të fashikullës.
