Kreu i grupit parlamentar të PS, Taulant Balla nga Saranda theksoi se listat e hapura janë një vendim i pakthyeshëm.
Ai u shpreh se opozita jashtëparlamentare është vënë në anën e gabuar të historisë.
Ndërkohë, ndryshimet kushtetuese të miratuara në 30 korrik ndodhen tashmë në tryezën e Presidentit Ilir Meta, por vetëm formalisht.
Kjo pasi, neni 177 i ligjit themeltar të shtetit parashikon se Presidenti nuk ka të drejtë të kthejë për rishqyrtim ligjin e miratuar nga Kuvendi për rishikimin e Kushtetutës.
Rikujtojmë se Meta e ka cilësuar antikushtetues dhe të papranueshëm votimin e fund korrikut.
