Gjobë dhe burg kush shkel rregullat në këtë kohë pandemie! Kuvendi ka miratuar sot me riformulime, të gjitha dënimet në rastet kur qytetarët thyejnë masat ndaj përhapjes së COVID-19. Shqipëria është ende në luftë me COVID-19.
Deri më tani në vendin tonë rezultojnë të infektuar 518 persona, e ndërsa kanë humbur jetën 26 persona. Parlamenti sot i hapi rrugë dënimeve në Kodin Penal, duke marrë në konsideratë disa prej propozimeve të bëra më herët edhe nga presidenti Meta, i cili sugjeronte zbutje të disa prej masave ndëshkuese.
Ndryshimet në Kodin Penal
Shkelja e urdhrave të pandemisë – gjobë deri në 6 muaj burg
Shkelja e urdhrave të pandemisë nga tregtarët – gjobë deri në 2 vite burg
Thyerja e karantinimit – 2 deri 3 vjet burg
Përhapja e sëmundjeve infektive – 2 deri në 5 vite burg
Shkaktimi i vdekjes së 1 ose disa persona – 3 deri në 8 vite burg
