Presidenti i Napolit, Aurelio De Laurenttis ka tronditur opinionin sportiv me deklaratën që ka bërë ditën e sotme në lidhje me Liverpoolin dhe Romën. Ai është shprehur të dy ekipet kanë të njëjtin pronar dhe duhet të përjashtohen nga Championsi. Ai kërkoi transferimin e portierit Alisson dhe në fund ai përfundoi në Liverpool. Napolitani u shpreh se një zog ia kishte thënë këtë dhe tashmë e kishte vërtetuar.
Nuk ka vonuar dhe ka ardhur përgjigjja e presidentit të Romës. James Pallotta, nëpërmjet faqes në ‘twitter’ të klubit ka shkruar: “Ç’mendoni se Aurelio pi atje në Napoli? Le të flasë edhe njëherë me atë zogun, se ndoshta i thotë që kemi edhe Bayernin e Barcelonën”, tha bosi i verdhekuqve, duke ironizuar jo pak me De Laurentiis.
