Kreu i Grupit Parlamentar të PS-së, Taulant Balla ka reaguar në lidhje me paketën e ndihmës financiare që Komisioni Evropian i ka akorduar Shqipërisë.
Përmes një postimi në Twitter, Balla e cilëson këtë gjest si një tjetër shenjë solidariteti të BE-së. Ai theksoi se kjo ndihmë do të merret në formën e kredive afatmesme.
“Një tjetër shenjë e solidaritetit BE-Shqipëri,@EU_Commission sapo ka propozuar përdorimin e ndihmës makro-financiare (MPJ) për të mbështetur #Albania #Kosova #WesternBalkans dhe partnerë të tjerë fqinj në kuadër të krizës COVID-19. Ndihma do të merret në formën e kredive afatmesme”, shkruan Balla në postimin e tij.
Komisioni Evropian ka miratuar propozimin për një paketë ndihme makro-financiare, për të përballuar pandeminë e koronavirusit, nga e cila Shqipëria do të përfitojë 180 milionë euro.
Sakaq, Kosova do të përfitojë 100 milionë euro, po aq sa edhe Maqedonia e Veriut. Shteti i Ballkanit Perëndimor që do të marrë shumën më të madhe duket se është Bosnje-Hercegovina, 250 milionë euro. Ndërsa Malit të Zi i janë akorduar vetëm 60 milionë euro.
https://twitter.com/taulantballa/status/1252922190959386625
