Deputetja Rudina Hajdari shprehet se nga dje nuk ka patur shqetësime si pasojë e simptomave të virusit Covid 19. Ajo rrëfen se ditët e para kanë qenë mjaft të vështira për të, ku kishte dhimbje kyçesh, koke, temperaturë dhe lodhje të trupit.
Deputetja Hajdari zbulon ndër të tjera kurën që e ka shoqëruar gjatë këtyre ditëve të vështira për të, teksa ndodhet e izoluar.
Duke iu referuar këshillave të mjekëve, ajo thotë se është kuruar me vitaminë C dhe D, si edhe pilula për qetësimin e dhimbjeve.
Ndonëse ndodhet në gjendje më të mirë shëndetësore, Rudina deklaron se nuhatja dhe shija ende nuk i janë rikthyer.
Statusi
Të dashur miq,
Së pari ju falenderoj nga zemra për gjithë urimet për shërim të shpejt që më keni nisur. E keqja dhe e mira kalohen me miq dhe këto ditë edhe pse e izoluar, jam ndier mes mijëra njerëzve të mirë e për këtë ju jam mirënjohëse.
Fatmirësisht nga dje nuk kam patur më shqetësime si pasojë e simptomave të virusit Covid19. Ditët e para ishin pak të vështira, me dhimbje kyçesh, koke, temperaturë dhe lodhje të trupit.
Sipas këshillave të mjekëve jam kuruar me vitaminë C dhe D si edhe pilula për qetësimin e dhimbjeve. Kam shpenzuar disa orë në ditë në ballkon për ajër të pastër dhe kam bërë gjimnastikë në kushte shtëpie.
Sot, përveç nuhatjes dhe shijes të cilat ende nuk më janë kthyer, ndihem shumë mirë dhe besoj se shpejt do të ribëj testin për t’iu rikthyer aktivitetit të përditshëm.
Ndërkohë e kam shfrytëzuar këtë kohë për të komunikuar me ju në mesazhet pafund që më keni nisur dhe do vazhdoj ta bëj rregullisht.
Ju uroj shëndet dhe shihemi së shpejti.
