Ish-kryeministri Sali Berisha ka komentuar vendimin e Gardës së Republikës për t’i hequr mbrojtjen ligjore që e ka gëzuar prej disa vitesh për shkak të funksioneve zyrtare.
Berisha tha për Ora News se kjo është një hakmarrje e Edi Ramës, por ai është më i fortë dhe më i sigurtë se kurrë mes qytetarëve.
Nga ana e saj Garda pretendon se ish-Kryeministrit Berisha i ka përfunduar afati për mbrojtjen.
Berisha: Ndihem më i fortë dhe më i motivuar se kurrë. Një gjest frikacak dhe hakmarrës i Edi Ramës por unë jam mes qytetarëve më i fortë se kudo tjetër. Do të vazhdoj çdo minutë, çdo orë, çdo javë, çdo muaj betejën deri në çmontimin e narkoshtetit në Shqipëri derisa shqiptarët të votojnë të lirë siç u takojnë.
I pyetur sesi e ndjen veten pa asnjë funksion pas 28 vitesh, Berisha tha: “Më mirë se kurrë”.
