Inxhinieri Arben Meçe, e shikon si të domosdoshme aksionin e qeverisë, për prishjen e ndërtimeve pa leje në zonat bregdetare, pasi sipas tij, bregdeti ka nevojë të pastrohet nga ato që ai i quajti kioska. Deklarata e Meçës u bë mbrëmjen e sotme në emisionin ”Open” në Top Channel.
Meçe u shpreh se do të prishen të gjitha ndërtimet, me apo pa leje që ndodhen buzë detit, sepse ka shkelje.
Arben Meçe: “Të gjitha ato do të prishen, me leje pa leje. Ka pasur sabotazhe, janë dhënë leje dhe certifikata pronësie, kur aty është rërë, buzë detit. Duhet të nisë një hetim i plotë, pasi gjithë zona e bregdetit është e pushtuar. Të gjithë ata që e dinë këtë, të lexojnë kodin penal se çfarë i pret në momentin kur konstatohet në flagrancë dhe kur duhet të ballafaqohen me shkeljet e rënda, të fillojnë t’i prishin vetë.
U bëj me dije dhe shumë të qartë që nga instruktori deri te punëtori i thjeshtë se me kodin penal janë të gjithë pjesë e e zinxhirit të fajësisë. Nuk mundet dot të thuash unë jam një punëtor, më morën nuk di ca bëj , është njësoj sikur të thuash më morën të mbillja bar po në fakt po mbillja kanabis”.
