Si pasojë e një sëmundje të rëndë, mësohet se ka ndërruar jetë gazetari i mirënjohur shqiptar Fatos Baxhaku. Ai njihet si një nga pionierët e shtypit të pavarur që nga fillimi i viteve ’90.
Autori i njohur i reportazheve të shkruara dhe televizive, studiues i historisë, një penë e mprehtë kritike e tranzicionit shqiptar.
Baxhaku prej kohesh vuante nga një sëmundje e rëndë, betejën me të cilën e humbi sot përgjithmonë.
Lajmi për ndarjen nga jeta të Baxhakut, 55 vjeç, u publikua nga miqtë në rrjetet sociale.
Zemra e tij pushoi së rrahuri pasditen e të premtes, duke e humbur betejën me një sëmundje të rëndë nga e cila vuante prej disa kohësh.
Biografia:
Baxhaku ka lindur ne Tirane me 9 janar ne 1964. Shkollimin e pare e kreu ne shkollat asokohe 8-vjeçare, Emin Duraku dhe ” 20 Vjetori”, (sot Dora D’Istria). Shkollimin e mesëm e kreu ne gjimnazin “Ismail Qemali”. Pergjate viteve 1982-1986 studioi ne Universitetin e Tiranes ne fakultetin e Histori-Filologjisë ku u diplomua ne histori.
Qe nga 1986 e deri ne 1992 punoi ne Institutin e Historise se Akademise se Shkencave. Nga 1993 e deri ne 1998 ishte bashkethemelues, kryeredaktor dhe gazetar i “Gazetes Shqiptare”.
Ne periudhen 1998-1999 ishte kryeredaktor i pare i lajmeve ne televizionin “Klan”. Ne 1999-2000 ishte kryeredaktor i revises se perjavshme “XXL”. Nga 2001 deri ne 2005 ishte kryeredaktor dhe gazetar ne televizionin “Vizion Plus”. Ne 2006-20015 ishte kryeredaktor dhe gazetar ne te perditshem “Shqip”.
Fatos Baxhaku eshte autor ose bashkeautor i serialeve me reportazhe “Tunel” (Vizion Plus), “Rrugetim” (Top Channel), “Shtepa e Vjeter” (Digitalb) si edhe i shumë dokumentareve televizive.
Ka qene disa here pedagog i jashtëm i gazetarisë ne universitetet e Elbasanit dhe Tiranes.
Ka qene anetar i Komitetit Shqiptar te Helsinkit.
Bashkepunetor ne shume projekte trajnimi me Soros, USAID, Instituti Shqiptar i Medias, OSBE.
