Detaje të reja janë hedhur në dritë nga rasti i 44-vjeçares me koronavirus, e cila nuk ia doli dot mbanë kësaj beteje në Spitalin Infektiv.
Dyshohet se ajo bashkë me nënën dhe motrën e saj janë infektuar në një festë familjare, që kanë zhvilluar në Durrës fundjavën e shkuar.
Për pasojë janë infektuar kunati i 44-vjeçares që ndërroi jetë ditën e sotme, dhe disa të afërm të tjerë të saj, raporton ‘abcnews.al’.
Sakaq, pjesa tjetër e të infektuarve, fatmirësisht nuk kanë shfaqur simptoma të rënda, ndërsa motra e saj vijon të jetë e shtruar në spitalin ‘Shefqet Ndroqi’, ku është e intubuar.
