Në një prononcim për mediat, deputetja Rudina Hajdari i ka bërë sot thirrje opozitës jashtëparlamentare që të kthehet në tryezë, dhe të reformohet sistemi zgjedhor. Pas një takimi të shkurtër me bashkëkryetarin, Damian Gjiknuri, Hajdari tha se PD duhet të përfundojnë nismat e saj, pasi i është zotuar Aleancës për Mbrojtjen e Teatrit që do të reformojë sistemin.
“Nëse e ka seriozisht të mbështet AMT-në, duhet të vijë në tryezë dhe t’i shkojë deri në fund marrëveshjes me Aleancën.
PD duhet të vijë në tryezë dhe të përfundojë një nismë të saj deri në fund. Kjo është thirrja ime për Partinë Demorkatike.
Jeni angazhuar plotësisht për reformimin e sistemit zgjedhor. Prandaj ju lutem shumë, hajdeni dhe të ndryshojmë sistemin zgjedhor”, përfundoi Hajdari.
