Kostandin Xhuvani i ka dërguar një letër Drejtorisë së Përgjithshme të Burgjeve, përmes së cilës kërkon leje për të marrë pjesë në varrimin e të atit. Regjisori Gjergj Xhuvani ndërroi jetë në moshën 56-vjeçare ditën e sotme në një spital në Romë, pasi vuante nga një sëmundje e rëndë.
Kujtojmë që Kostandin Xhuvani është shpallur fajtor për vrasjen e katër personave në ngjarjen e 4 nëntorit 2014, në rrugën e Elbasanit në kryeqytet, ku mbetën të vrarë Enea Xhaji, Edison Jaho, Arbër Demiraj dhe Gianpaolo Azzolo.
Ndërkohë, ende nuk dihet nëse atij do t’i aprovohet kërkesa, për shkak të dënimit të tij.
