Në Izrael është ngritur një peticion, duke kërkuar që këngët e Dua Lipës të ndalohen në radio.
Kjo për arsye se këngëtarja me origjinë shqiptare ndau në llogarinë e saj në Instagram një postim të cilësuar si “anti-izraelit”. Me anë të këtij postimi, Dua Lipa pretendonte se ushtarët në këtë vend qëllojnë fëmijët. Deri më tani, mbi 3 mijë njerëz kanë nënshkruar këtë peticion.
“Në dritën e nxitjes kundër ushtarëve, antisemitizmi, shpifja, teoritë e komplotit dhe shtrembërimet që qëndron në postimin që këngëtarja ndau, nuk është e përshtatshme që një radio të vazhdojë të transmetojë këngët e saj”, shkruajti organizata Im Tirzu në një letër drejtuar dy ministrave.
Pak ditë më parë, Dua Lipa ndau një postim në Instagram ku shkruante:
“Ndërsa të gjithë janë në humor për të folur për të drejtat e njeriut, kjo është ajo që ndodh çdo ditë në Palestinë, e paguar nga dollarët e taksapaguesit tanë. Djemtë e mëdhenj të këqij të ushtrisë izraelite kënaqen plotësisht duke rrahur dhe qëlluar fëmijët. Ata madje kanë bluza që përshkruajnë një grua palestineze shtatzënë me një hapësirë snajperi në stomakun e saj që lexon “1 të shtëna dy vrasje””.
