Ndërron jetë në moshën 80-vjeçare ish-ministri dhe ish-deputeti në Shkodër, Ahmet Osja.
Osja ka qenë deputet në Kuvend dhe ka shërbyer edhe si ministër i Bujqësisë për një periudhë të shkurtër në vitin 1991. Ai njihet gjithashtu edhe si profesor i shkencave bujqësore.
Ai lindi në Shkodër në vitin 1939. Profesori mban Urdhrin “Mjeshtër i Madh”, që iu dha në vitin 2009 nga Presidenti i Shqipërisë. Për afro 9 vite (1982-1991) përfaqësoi rajonin e Shkodrës si deputet në Kuvendin e Shqipërisë.
Ahmet Osja është diplomuar në Institutin e Lartë Bujqësor sot Universiteti Bujqësor i Tiranës dhe punoi fillimisht si Agronom në zonën e Dukagjinit, në Stacionin e Zooteknisë në Shkodër. Për afro 30 vjet punoi si ekspert dhe pastaj si drejtues në Institutin e Misrit dhe Orizit.
