Është ndarë nga jeta gazetarja e “Radio Tirana” dhe ish-redaktorja letrare në Shtëpinë Botuese “Naim Frashëri”, Natasha Këlliçi (Dulaku). Ajo u shqua për redaktimin e disa veprave të famshme të shkrimtarëve më të njohur shqiptarë si Skënder Drini, Dhimitër Xhuvani, Teodor Laço, Kico Blushi, etj.
Kujtojmë se Natasha e nisi punën në “Radio Tirana” në vitin 1992 dhe u shqua për reportazhet dhe intervistat radiofonike me personazhet më të njohur të kohës.
Emisioni i saj në radio “Mesazhe malli”, ka qenë një nga emisionet më të ndjekura. Shqiptarët komunikonin me të afërmit e tyre të cilët kishin emigruar në shtete të ndryshme.
