Analisti Shpëtim Nazarko deklaroi mbrëmjen e sotme në emisionin “Real Story” në “News24” se në rastin e ndonjë konflikti të mundshëm mes Partisë Demokratike dhe Lëvizjes Socialiste për Integrim, kjo e fundit mund të shkojë në rrënjët e saj të vjetra, tek PS-ja.
Gjithashtu Nazarko u shpreh se “do ishte mirë që Basha të përdorte LSI, si Berisha dikur”.
“Divorci i LSI-së me PD-në është një përcaktim. Basha nuk mund të bëjë me atë aleancë. PD krijoi gypa për LSI dhe PDIU, që katërfishuan votat e veta.
Kur ka ikur LSI në 2013-ën nga aleanca, ka marrë dhe një pjesë të administratës së PD-së.
Do ishte mirë që Basha të përdorte LSI si Berisha dikur. Në rastin e një konflikti, LSI do të shkonte tek rrënjët e veta, tek PS e vjetër. Në këtë shumicë votash, një pjesë e votave ka ardhur nga pjesa rurale. Unë besoj se këtë shqetësim e ka dhe Ilir Meta.
Nuk e ka mendjen tek Rama, por tek Basha.
Ai është prej kohësh nën morsën e dy të mëdhenjve. Basha bën sikur e sheh, Berisha ka lojën e vet individuale. Është në kushtet e një morse të dy të mëdhenjve”, tha ai.
