Trafiku i drogës nga Amerika Latine drejt SHBA-së, është një biznes shumë fitimprurës. Presioni i madh nga kontrollet policore, i ka detyruar trafikantët të gjejnë mënyra inovative, për të trafikuar drogën e tyre. Dhe gjetja më gjeniale e tyre, janë narko-nëndetëset. Ideja për to u diskutua që në fillim të viteve 1990 nga karteli Medelin i Kolumbisë, që drejtohej nga Pablo Eskobar.
Trafikantët kontaktuan inxhinierët rusë të nëndetëseve, që i ndihmuan në projektimin dhe ndërtimin e narko-nëndetëseve. Mjeti i parë i këtij lloji, u zbulua nga policia kolumbiane në vitin 1993, pranë ishullit San Andres. Ai ishte shumë modest, dhe s’mund të zhytej i gjithi nën ujë. Më vonë u zbuluan narko-nëndetëse të tjera më të mëdha, dhe me veshje prej çeliku.
Më e madhja prej tyre, ishte 30 metra e gjatë, dhe ndërtimi i saj kishte kushtuar mbi 10 milionë dollarë. Por është një shpenzim, që për trafikantët ia vlen. Pasi në një rrugë të vetme, narko-nëndetësja mund të transportojë 150-200 ton kokainë ose heroinë. Çdo vit, policia zbulon dhe sekuestron disa mjete të tilla. Por shumica vazhdojnë aktivitetin të pashqetësuara. Narko-nëndetëset më profesionale, mund të zhyten deri 100 metra nën sipërfaqen e detit. Ato janë të vështira për t’u gjurmuar nga radarët.
TIRANA TODAY
