E mërkurë, 28 Korrik, 2021
22.5 C
Tirana

Droga në Durrës, a u grabit para se të kontrollohej nga policia?

Pak ditë më parë u kap 11 kg e 650 gram kokainë në portin e Durrësit. Lënda narkotike ishte e vendosur në impiantin e kondicionerit, ndërkohë që ishte ambalazhuar në 14 pako. Ngarkesa ishte nisur më 8 korrik nga porti i Pireut, dhe ka mbërritur në Portin e Durrësit në 11 korrik. Ngarkesa me banane vinte nga Ekuadori. “Arrest me burg” ishte masa për Bajron Gumenin i cili është administrator i kompanisë “Alba Exotic Fruit” në kontejnerin e së cilës u kapën 11.6 kg kokainë në portin e Durrësit.

Teksa u duk se policia kishte kryer me sukses operacionin, detaje të reja në lidhje me këtë çështje sjellin shumë pikëpyetje. Në 17 korrik është vjedhur kontejneri i  “Alba Exotic”, ku raportohet se i janë hequr kapakët e ftohjes. Dyshimet janë se mund të ketë patur sasi kokaine.

Kontejneri i ngarkuar me banane që i përket kompanisë “Alba Exotic Fruit”, është vjedhur brenda ambienteve të portit të Durrësit. Kapakët e vjedhur janë zëvendësuar nga kompania Majesk, me kapakët e një kontejneri tjetër të prishur që ndodhet në port. Mësohet po kështu se kontejneri vijon të qëndrojë në ambientet e portit të Durrësit, në pritje për tu skanuar. Kjo dëshmon qartazi se persona nga brenda portit arrijnë të ndërhyjnë në trupin e kontejnerit, nga ku nxjerrin sasi të konsiderueshme kokaine.

Zyrtarët e kompanisë Majesk kanë njoftuar autoritetet portuale dhe policinë e Durrësit, për të kryer hetime sa i takon mungesës së kapakëve të ftohjes dhe dyshimeve se nga xhepat e kontejnerit mund të jetë tërhequr sasi e madhe kokaine.

Bajron Gumeni u arrestua në lidhje me kokainën e kapur në portin e Durrësit. Ai është administrator i kompanisë që importon banane, dhe në kontejner u kap një sasi prej 11 kg e 650 gram kokainë e cila ka qenë e vendosur në impiantin e kondicionerit, ndërkohë që ishte ambalazhuar në 14 pako.

Lexo edhe :   Operacioni te ''Varri i Bamit'', policia sekuestron vetëm 1,1 kg kokainë
Lexo edhe :   Operacioni te ''Varri i Bamit'', policia sekuestron vetëm 1,1 kg kokainë

Gumeni është shprehur se nuk ka lidhje fare me drogën e kapur, ndërsa ka shtuar se kompania ka porositur vetëm banane. “Nuk kam lidhje fare me drogën. Kemi porositur vetëm ngarkesën me banane. Droga nuk ishte në kontejner, por ishte improvizuar në një vend të posaçëm, në pjesën fundore të kontejnerit”, mësohet të ketë thënë Gumeni.

- Reklama -

Më shumë nga kategoria




Të fundit

Si mund të shmangen epidemitë

Numri i vdekjeve të raportuara nga COVID-19 ka kaluar 4 milionë, sipas Universitetit Johns Hopkins që regjistron infektimet dhe vdekjet. Në 100 vitet e...

Politikani lituanez dënohet me burg për spiunim për Rusinë

Një gjykatë në Lituani dënoi politikanin Algirdas Paleckis me gjashtë vjet burgim, pasi e shpalli fajtor për spiunim për Rusinë. Gjykata e rrethit Siauliai vendosi...

Lëkundje sizmike me magnitudë 4.1 në Shqipëri

Lëkundje sizmike janë regjistruar mbrëmjen e sotme në vendin tonë. Sipas statistikave të publikuara nga Instituti i Gjeoshkencave, Energjise, Ujit dhe Mjedisit, tërmeti me...

Zgjedhje të parakohshme? Haradinaj: Qeveria Kurti nuk do të zgjasë shumë

Kryetari i Aleancës për Ardhmërinë e Kosovës, Ramush Haradinaj deklaroi se qeveria e Albin Kurtit nuk do të zgjasë shumë, duke paralajmëruar se në...

I pandehur me ish-ministrin Tahiri/ Rrëzohet kërkesa e Jaeld Çelës për liri

Gjykata e Posaçme kundër Korrupsionit dhe Krimit të Organizuar (GJKKO), ka rrëzuar  kërkesën e ish-drejtorit të Policisë së Vlorës Jaeld Çela, për lirimin nga...