Ish-ministri i Jashtëm Besnik Mustafaj, ka komentuar përplasjen midis kryedemokratit Lulzim Basha dhe Kryetarit të Këshillit Kombëtar të kësaj force politike, Bujar Nishani.
I ftuar në emisionin ”Radari Informativ” në ”ABC News”, Mustafa u shpreh se shpallja ”non grata” e ish-kryeministrit Sali Berisha nga SHBA, forcon pozitën e Bashës në parti.
Besnik Mustafaj: ”Nishani është konseguent ndaj kritikave të Bashës. Dhe i ka kërkuar që ditën e dytë që të japë dorëheqjen. Edhe Nishani edhe reagimi i Bashës e kanë hedhur atë masë demokratësh që janë fansa të Berishës. Me këto replika nuk është bërë për testim nëse Basha ka bërë një pabesi ndaj Berishës nuk do ja falnin Bashës. Ndaj e hodhi Nishani këtë, dhe Basha u detyrua që të reagonte duke e përgënjeshtruar. As nuk e kuptoj, se partia ka pësuar një shok. Mbas humbjes ishte një shok emocional. Por u lehtësua nga reagimi i vetë Berishës. Por në këtë gjendje Basha bëhet si një lloj shpëtimi më shumë se një kandidat i paprovuar. Për gjendjen emocionale të demokratëve.
Nishani akuzoi Bashën se kishte dijeni për shpalljen “non grata” të ish liderit demokrat Sali Berisha dhe sipas tij kjo ishte arsyeja pse u afruan zgjedhjet për kreun e PD-së. Nga ana tjetër Basha ka hedhur poshtë këto akuza duke thënë se Nishani po bën sulme personale.
