Deputeti Myslim Murrizi i është përgjigjur kryeministrit Rama, teksa tha se nga e gjithë “loja” brenda të djathtës, pasojat i vuajti Murrizi.
“Astrit Patozi thotë më nxori Rama nga listat se ma ka thënë këtu ai mua. Pse faji im ishte se Astritit i kishte ardhur fundi dhe baba duhet të zgjidhte mes çunit me duar në xhepa dhe çunit për rrugë, çunin për rrugë e nxori jashtë dhe la këtë këtu me duar në xhepa”, tha Rama.
Ndërkohë, Murrizi replikon, duke thënë se “çunat e Berishës” nuk do të ndërpriten nga ai, ndërsa shton që le të vazhdojnë të bëjnë çfarë të duan.
“Pse unë ua prisha integrimin juve? Ju dëgjova dy tre herë zoti kryeministër, që u morët me mua, se ndenja unë këtu. Po pse more unë iu prisha punë çunave të bëjnë gili-vili? Po pse unë e kam fajin? Unë jam tradicional për vete, çunat le të vazhdojnë të bëjnë gili-vili.
“Unë kam qenë këtu jo nga ligji i gilit-vilit. Kjo fletë e bardhë nuk është firmosur, se aq shumë u nxi në prill 2008, sa fytyrë që kanë ardhur në këtë parlament, nuk kanë pasur këllqe që të takojnë qytetarët. Pse unë ua paskam ndaluar dashurinë këtyre.
Nëse e kam bërë këtë mëkat zoti më faltë, keni kohë që të takoheni dhe të dashuroheni sa herë të doni. Unë shoh që halli i madh i politikës shqiptare ka qenë pazari që është prishur sa është marrë kësti i parë. Vetëm dy zgjedhje janë pranuar pa sherre publike, pse se këta që kanë qenë këtu e kanë lëshuar karrigen të ngopur”, tha Murrizi.
