Kreu i grupit parlamentar demokratik, Myslim Murrizi shprehet se opozita parlamentare nuk do ta votojë Kodin Zgjedhor.
Në një prononcim për mediat pas takimit, Murrizi tha se shpreson tek uniteti i 28 deputetëve të opozitës parlamentare që pa dakordësi të mos votojnë Kodin e Ri Zgjedhor.
Sipas tij, edhe nëse pranohen listat e hapura së bashku me eliminimin e koalicioneve parazgjedhore, nuk do të hiqet dorë as nga depolitizimi i administratës zgjedhore.
“I kërkuam Ramës që shqiptarët kërkojnë të zgjedhin përfaqësuesit e tyre. Nuk votojmë asnjë buzëkuq apo arrnim të Kodit Zgjedhor nëse nuk preken neni 68, Listat e Hapura. Të paktën njëherë në 30 vite rezultati mos jetë i paragjykuar. Ne nuk votojmë asgjë nga ajo që do. Rama nuk është që është pro listave të hapura. Shqiptarët nuk i duan si zgjedhës, por si votues. Shpresoj tek uniteti i opozitës parlamentare, që të ulim në tokë Ramën. Nuk besoj që jemi zemëruar me të. PPP dhe për pazare takohen me të tjerët, ne vetëm për sistemin zgjedhor.
Jo, nuk heqim dorë nga depolitizimi i administratës zgjedhore. Njëherë të vetme, palët pjesëmarrëse, mbi 70 parti politike të jenë të qeta dhe të qarta për rezultatet”, tha ai.
