Deputeti Myslim Murrizi, paralajmëroi se në shtator dhe në tetor mund të ketë një ’97 të dytë. Duke i paraprirë situatës së tensionuar politike, Murrizi duket se nuk ka shpresë për reformën zgjedhore. Teksa shprehu pakënaqësitë mbi qeverisjen aktuale, Murrizi hedh dyshimet se një situatë kritike është afër.
“Me atë që shoh unë, shtatori, tetori, kemi edhe janarin para se të vijnë zgjedhjet, mund të jetë edhe si ’97. Mund të jetë si ’97, do të jemi këtu, unë nuk uroj por 15 palaço politikë, 15 hajdutët e parave publike prej 20 vjetësh, unë nuk besoj se në vitin 2020, 30 vjet pasi është shembur komunizmi t’i vënë shkelmin në fyt 5 milionë shqiptarëve. Nuk ka hipokrizi më të madhe se një reformë që nuk e realizon për 3 vjet, do ta bëjmë për 3 ditë, është krijuar komisioni i reformës zgjedhore në 2017 për 3 vjet. Tani thonë do e bëjmë deri më 31 maj”.
