Sekretari për Çështjet Ligjore në Partinë Demokratike, Çlirim Gjata ka folur për protestën që u zhvillua ditën e sotme, që në orët e para të mëngjesi, në mbrojtje të Teatrit Kombëtar.
I ftuar në “RTV Ora”, Gjata u shpreh se FNSh do hyjë me dhunë dhe do nxjerrë artistët që janë ngujuar brenda godinës, teksa shtoi se ata do të zbrazin sheshin.
“Ju tregoj unë cfarë po ndodh pasditen e sotme. Policia ka ndarë në dy skalione. Një ku ndodhemi ne dhe salla e TK. Aktorët kanë hyrë brenda për të ruajtur dhe një pjesë janë qytetarë. FNSH nuk lejon bashkimin e qytetarëve. Sipas informacioneve FNSh do hyjë me dhunë dhe do nxjerrin artistët, do të zbrasin sheshin dhe do ta marrë policia”, deklaroi ai.
Ndër të tjera, Gjata iu bëri thirrje protestuesve të mos largohen, ndërsa kërkoi edhe ndihmën e qytetarëve të Tiranës.
“Ata protestues të mos lëvizin aty sepse janë në mbrojtje të mbrojtësve të Teatrit. Do i kërkoja qytetarëve të Tiranës të na ndihmojnë se mund të shkojmë në një tragjedi shumë të rëndë nëse vazhdon kështu. Nuk lejohej nga policia që të fuste ujë dhe ushqime brenda Teatrit. Dikush ka bërë një plan ushtarak, në mënyrë Edi Ramiste, për të nxjerrë artistët përjashta nga godina e Teatrit Kombëtar”, tha Gjata.
