Robert Aliaj ka ndarë emocionet pas triumfit të së bijës në “The Voice Kids” në Belgjikë. I ftuar në emisionin “Abc-ja e mëngjesit”, teksa rikujtoi një moment të caktuar mbi paraqitjen në një festival, ironizoi Luan Zhegun dhe Kozma Dushin. Ai ndau me publikun një rast ku i ka shpëtuar burgut, teksa e kanë hequr nga festivali pak para se të fillonte.
“Unë isha një njeri që kisha shumë nocionet e estetikës, sigurisht që do të doja të vishesha. Mua më kanë hequr nga festivali në një moment, se kisha veshur xhaketë me spaleta, gjeneralësh. Nuk kisha idenë që këtu mund të futesha në burg, dhe se jetoja fare realitetin.
Më duket pak provokim por Kozma Dushi, Luan Zhegu, nuk lëvizin dot as gishtat. Kozma Dushi po se bënte sikur dridhte cigaren. E mban mend Luan Zhegun që ishte si kruajtëse dhëmbësh, nuk lëvizte fare“, tha Aliaj.
Gala Aliaj jo vetëm që ka mahnitur jurinë me zërin e saj, por po ashtu ka vjedhur edhe zemrat e publikut belg. Gjatë mbrëmjes finale, ajo ka interpretuar këngën e Elton John “Goodbye Yellow Brick Road” dhe atë të Adele “Make me feel my love”.
