Jo vetëm Italia, por edhe Greqia vijon me shifra të frikshme të të infektuarve. Masa të tjera do të hyjnë në fuqi, duke kufizuar oraret. Kryeministri grek Kyriakos Mitsotakis, paralajmëroi për kufizime nga orët e para të mëngjesit të së shtunës, në orën 06:00.
Lëvizja do të ndalohet pas orës 00:30 deri në orën 05:00. Masat e reja hyjnë në fuqi nga orët e para të mëngjesit të së shtunës. Ai tha se muajt e ardhshëm janë të vështirë dhe se nëse do të kishin bllokim, pasojat do të ishin të mëdha. Sakaq, në zonat “e kuqe” dhe “portokalli” është vendosur përdorimi i detyrueshëm i maskës kudo.
“Ekspertët paralajmërojnë se në kohë pakujdesie, ne bëhemi më të prekshëm ndaj virusit. Në të kundërt, në shkollat ku respektohen masa me përpikmëri, rreziqet rezultojnë shumë më të vogla. Kështu që dua të jem i qartë: Muajt e ardhshëm janë të vështirë.
Dhe meqenëse një “bllokim” i përgjithshëm nuk është zgjedhja ime, kërkohen masa të tjera. Qëllimi ynë, pra, nuk mbetet pezullimi i plotë i aktiviteteve tona. Por zvogëlimi lokal i rreziqeve që i kërcënojnë ata. Për të vazhduar, domethënë, ritmet e jetës sonë, por bazuar në rregullat e treguara nga ekspertët. Bërja e lëshimeve të vogla, për të mbrojtur të mirën e madhe të shëndetit”, tha ai.
