Ardian Çapja i cili ndodhet i shtruar në spitalin e Traumës vijon të mohojë faktin se ai ka rënë pre e një atentati.
Në një dëshmi të shkurtër që ai ka dhënë për policinë, Çapja ka thënë se nuk është qëlluar me armë dhe se “askush nuk mund ta vriste në shtëpinë e tij”.
55-vjeçari është shprehur se ai është rrëzuar në banesën e tij dhe se i është ngulur një hekur në shpatull.
“Jam rrëzuar në banesë. Në shpatull më ka hyrë një hekur, në momentin që jam rrëzuar. Nuk jam plagosur me armë. S’më vret njeri në shtëpinë time”, mësohet të jetë shprehur Çapja për policinë, teksa ka qenë i vetëdijshëm, raporton “News 24”.
Kujtojmë se mëngjesin e sotëm, policia ka shoqëruar rreth 20 persona si dhe ka sekuestruar kamerat e sigurisë në zonë.
