Gazetarja e njohur Mira Kazhani dhe motra e saj më e vogël Besa, ishin sot të ftuara në “Ftesë në 5” me Bieta Sulon. Moderatorja e emisionit e ngacmoi Mirën në lidhje me ndonjë romancë të mundshme. Kjo e fundit u shpreh se i është bërë havale puna e burrit.
“Nuk ka kërkesa”, tha me humor gazetarja.
E pyetur nga Bieta nëse e ka penguar të njihet me dikë angazhimi intensiv në punë, Mira nuk e konsideroi këtë si shkak kryesor. Teksa ndihet rehat nën statusin e një beqareje, ajo thotë se paksa e ka edhe fajin vetë, pse nuk ka ndryshime në jetën e saj.
“Unë them që duhet të bëjë disa kombinime universi…mbase edhe vet e kam pak fajin, një lloj pasioni e kam patur për gazetarinë.
Sa më shumë distancohesh, zvogëlohen mundësitë që të njohësh njerëz të rinj. Ti e di Bieta që të gjithë ne që jetojmë në botën e medias, vetvetiu krijojmë një lloj mikrobote, rrimë shumë në rrethin tonë dhe nuk është se ke shumë mundësi kontaktesh. Megjithatë është pak përgjithësisht problem gazetarësh ky…”, tha më tej ajo.
