Moti për nesër/ Reshje dhe shtrëngata në të gjithë vendin

Sot pasdite (e diel, dt. 27) priten reshje të dobëta në të gjithë vendin. Nesër (e hënë, dt. 28) priten reshje intensive në qarqet Shkodër, Lezhë, Tiranë dhe Durrës, në qarqet Kukës, Dibër, Elbasan dhe Vlorë priten reshje mesatare. Ndërsa në qarqet e tjerë priten reshje të dobëta.

Në qarkun e Lezhës, reshjet do të arrijnë lokalisht deri shumë intensive. Në shumicën e qarqeve, reshjet do të shoqërohen me shtrëngata.

Shtrëngatat dhe intensiteti i lartë i reshjeve për momente të shkurtra mund të krijojnë vërshime të përkohëshme të ujit dhe përmbytje të lokaleve sidomos pranë përrenjve dhe lumenjve të vegjël dhe të mesëm. Ose në zonat urbane në varësi të sistemit të kanalizimeve kryesisht në qarqet Lezhë, Durrës dhe Tiranë.