Dita e shtunë parashikohet me mot kryesisht të vranët dhe reshje shiu të herëpashershme me intensitet të ulët në pjesën më të madhe të vendit, ndërsa në jugperëndim hera-herës me intensitet deri mesatar. Në veri në lartësinë mbi 1000 metra, reshje në formën e dëborës.
Era nga kuadrati i jugut me shpejtësi mesatare 2-8m/s, e cila hera-herës përgjatë vijës bregdetare jugore fiton shpejtësi deri në 12m/s.
Dita e diel mot me alternime vranësirash dhe intervale me diell. Reshje shiu të izoluara përgjatë relieveve malore.
Era nga kuadrati i veriut me shpejtësi mesatare 2-8m/s, e cila hera-herës përgjatë zonave luginore (kryesisht në veri) dhe përgjatë vijës bregdetare fiton shpejtësi deri në 15-18m/s.
