Kryefjala e ditëve të fundit për presindentin Meta ka qenë rrëzimi i ‘grushtit të shtetit’ të bërë nga ana e qeverisë. Kreu i Shtetit nuk ka ndalur thirrjet e tij që njerëzit ti bashkohen në protestën e 2 marsit në bulevardin “Dëshmorët e Kombit”. Mbështetje të pakursyer ka patur nga LSI dhe PD.
Nga Vlora, Monika Kryemadhi rikonfirmoi se do të jetë në bulevard më 2 mars, jo si kryetare e LSI, por si nënë dhe qytetare. Në takimin me strukturat, ajo tha se kur mazhoranca sot falsifikon një dokument zyrtar, nesër mund të falsifikojë edhe fëmijët në maternitete.
Në morinë e statuseve të shumtë, Meta ka postuar një foto me dy gishtat lart ku shkruan “Më 2 mars për Besëlidhjen Kuqezi!”.
Mirëpo kjo foto nuk i ka shpëtuar një komentuesi, i cili i thotë se ka vjedhur simbolin PD-së.
