Mediat turke kanë publikuar së fundmi mesazhin mallëngjyes të një 62-vjeçari, i cili humbi jetën para pak ditësh nga koronavirusi.
Yasar Unal nga Ccorumi në Turqi ndërroi jetë më datë 10 shtator. Pasi e varrosën, të afërmit futën në karikim celularin e tij ku zbuluan një video që ai kishte bërë në ditët që ndodhej në intubim.
Në video, i ndjeri i bën thirrje të gjithëve që të kujdesen për veten dhe të mos i lënë pas dore masat anti-Covid.
“Më merret fryma, tensionin e kam të lartë dhe kam temperaturë. Unë u bëra vonë, ju lutëm mos e bëni këtë dhe kujdesuni për veten. Mirupafshim të gjithëve”, shprehet ai.
Ndërkohë i biri i tij tregon për mediat turke se si e gjetën mesazhin në fjalë: “Pasi varrosëm babain, vendosëm në karikim celularin dhe zbuluam videon që ai e kishte bërë kur ishte në intubim”.
Deri më tani, në Turqi janë shënuar gjithsej 291 mijë raste pozitive dhe 7.056 viktima nga COVID-19.
