Ish-ministri i Brendshëm, Fatmir Xhafaj ka falënderuar një pjesë të njerëzve të drejtësisë, të cilët sipas tij janë solidarizuar për të dhuruar një pjesë të pagave të tyre.
Përmes një postimi në rrjetet sociale, Xhafaj shprehet se sistemi i Drejtësisë nuk mund të futet në karantinë dhe se puna nuk mund të pezullohet, pavarësisht situatës së krijuar nga koronavirusi.
“Nuk mund të humbim më shumë kohë me procesin e ringritjes të drejtësisë së re”, shkruan ai.
Postimi i plotë:
Një pjesë e njerëzve të drejtësisë janë solidarizuar për të dhuruar një pjesë të pagave të tyre. Shumë prej tyre, GjL dhe prokurorët kryesisht, janë në krye të detyrës këto ditë. Shumë çështje presin të shqyrtohen, vendime që të zbardhen.
Kjo është realisht gjëja që na duhet. Gjyqtarët & prokurorët, Organet e vettingut, KED, ILD, KLGJ e KLP, gjithë sistemi i Drejtësisë nuk mund të karantinohet! #COVID19 nuk është shkak për bllokimin e plotë të hetimeve & gjykimeve. Nuk mund të humbim më shumë kohë me procesin e ringritjes të drejtësisë së re.
