Një situatë e tensionuar ka ndodhur sot në Kuvend, ndërmjet deputetit Kujtim Gjuzi dhe ministrit të Brendshëm, Sandër Lleshaj. Gjuzi, mjaft i revoltuar, i është drejtuar Lleshajt duke i kërkuar që mos ti thoshte “Pusho”, e ndërsa këtë të drejtë sipas tij e ka vetëm kryetari i Kuvendit.
Deputeti po kështu paralajmëroi ministrin, lidhur me skafin me emigrantë që kërkoi ndihmë në mes të detit. Gjuzi iu drejtua ministrit Lleshaj që të ketë kujdes herë tjetër.
“Zoti ministër, ju jeni ushtarak. Nuk jeni në statusin e deputetit, nuk mund të më thuash mua ‘pusho’. Këtë mund ta thotë vetëm kryetari i Kuvendit. Ti duhet të dish që në baret dhe restorantet shqiptare, patrulla e policisë dhe dy raste ti kam flagrante.
Ndoshta nuk e ke situatën në dorë për kanabisin, por nuk mund ta anashkalosh skafin me emigrantë që kërkoi ndihmë në mes të detit. Nuk mund të them kërko ndjesë, se ndjesa kërkohet me ndërmjetës. Këtë herë je i falur, por kujdes herën tjetër”.
