Në protestën e organizuar në Korçë janë shënuar incidente të vogla, ndërsa qytetarët janë bërë bashkë ku po ngrenë zërin e tyre për rritjen abuzuese të çmimeve. Gjatë protestës ka patur përplasje mes qytetarëve dhe policisë, ku ata kundërshtojnë rritjen e çmimeve.
Në rrethrrotullimin e qytetit, atje ku po mbahet edhe protesta, janë bllokuar shumë mjete në trafik, ndërsa është dashur ndërhyrja e policisë.
Protestës i janë bashkuar edhe fermerët e qarkut të Korçës, po kështu dhe deputeti demokrat, Edmond Spaho, i cili më herët ka qenë drejtues politik i këtij qarku. Në videon e siguruar nga Balkanweb shihet se Spaho debaton, madje ‘përplaset’ me një efektiv policie. Ky i fundit i është afruar disa herë Spahos, teksa ka tentuar që ta shtyjë, ndërsa deputeti i ka kërkuar disa herë që të largohej dhe mos ta prekte me dorë.
Spaho: Mos më prek me dorë
Polici: Vazhdoni andej!
Spaho: Ju lutem, mos më dorë. Kam të drejtë të protestoj! S’ke të drejtë të më ndalosh.
