Ish-ministri i Brendshëm, Saimir Tahiri ka reaguar lidhur me përgjimin e publikuar nga gazeta gjermane “Bild”, ku u kap duke biseduar me shefin e Komisariatit të Peshkopisë, Robert Aga.
Teksa falënderon Agën për angazhimin në zgjedhjet e Dibrës, ish-deputeti i kthehet me një zhargon aspak etik: “Je i madh. Edhe mos e rruj k**** për atë që thanë ata se s’na ha t**** ne për ata legenat…”
Përmes një postimi në “Facebook”, Tahiri i kërkon ndjesë çdo qytetari për fjalorin aspak të përshtatshëm, ndërsa shtoi se përpos kësaj, biseda nuk ka lidhje aspak me vjedhjen e votave, blerjen e zgjedhjeve apo çdo lloj manipulimi tjeter.
“Ndjese cdo qytetari per fjalorin aspak te pershtatshem qe u degjua ne nje bisede private ku merrja pjese.
Shume nga keta qe bejne moral ne politike, media e portale, fjalorin e atille e shume me teper se aq e kane te shkruar ne balle ne vendime qeverise, ne akte publike a sjellje te perditshme, perseri c’u degjua prej meje nuk perputhet kerkund me vlerat qe duhet te tregojme, qofte edhe ne jeten a bisedat private.
Perpos kesaj, E po keshtu asnje veprim i imi, ne nje fushate si ajo e Dibres ku nuk kam marre pjese asnje dite, ne cilendo menyre.
Perkundrazi, agresoret e atehershem me arme ne brez edhe ne zgjedhjet e Dibres, sot kane veshur lekure qingji.
Ndaj mos harro kurre! Ata qe bejne moral sot, te kane vrare shpirtin e trupin dje! Ata qe bertasin sot per moral, te kane vjedhur ne xhep dje.
Ata dje e skuthat sot, duan ende te te vrasin shpirtin e te te vjedhin keq e me keq, bashke me te ardhmen e femijeve!
Ndjese sinqerisht per fjalorin!”, shkruan Tahiri.
