Keni probleme me fëmijën, pasi ka kollë të fortë? Para se ti drejtoheni mjekut të familjes, mjafton që të përdorni disa kura natyrale. Këto kura i kanë përdorur nënat tona ndër vite, dhe rezultati ka qenë mahnitës.
Mjalti është ilaçi më i mirë. Vetitë e mira të mjaltit e bëjnë një alternativë mjekësore mjaft të mirë për shëndetin tonë, dhe kjo sidomos në rastin e kollës. Dy lugë mjaltë i tresni në një gotë me qumësht për fëmijën tuaj. Për rezultate të mira, ajo duhet të pihet çdo darkë, para se fëmijët të flenë. Ndiqni këtë kurë për 5 ditë rresht.
Këshillohet që fëmijët të konsumojnë sa më shumë ujë. Uji është aleati më i mirë i kollës tek fëmijët dhe jo vetëm. Pasi nuk e lë fytin të thahet. Do të ishte mirë për fëmijët që të pinin sa më shumë ujë, rreth 8 gota në ditë. Për lehtësimin e kollës, nuk përjashtohen as çajrat e ndryshëm, sidomos ai me xhinxher, por dhe supërat.
Banja e ngrohtë, lehtëson rrugët e frymëmarrjes. Banja me ujë të ngrohtë të ndihmon të djersitësh. Kjo të lehtëson rrugët e frymëmarrjes. Për këtë arsye, gjatë ditës fëmijëve duhet t’i bëni dy herë në ditë banjë me ujë të ngrohtë, për të lehtësuar simptomat e kollës.
