Presidenti Ilir Meta ka reaguar ndaj deklaratave të ministrit të Diasporës, Pandeli Majko.
Ky i fundit i bëri thirrje kreut të shtetit të bashkojë palët në dialog dhe jo të bëjë thirrje për mitingje. Përmes një konference për mediat, Meta iu përgjigj atij se ka 2 vjet që i thërret palët për dialog. Sipas tij, e vetmja gjë që ka ngelur është referendumi.
“Thirrje për dialog? Po çfarë kam bërë prej dy vitesh. Zgjidhja është vetëm referendumi, nuk ka zgjidhje tjetër në Shqipëri. Mos mbani shpresat tek askush, vetëm te referendumi dhe te vota juaj, çdo gjë tjetër është të shikoni si vendi bie gjithnjë e më tepër drejt dëshpërimit e greminës”, tha ai.
