Policia italiane ka vënë në pranga një 40-vjeçar shqiptar, pasi akuzohet për dhunë ndaj bashkëshortes së tij. Sipas mediave vendase, shqiptari e kishte detyruar gruan italiane që të mbyllte të gjitha profilet e saj në rrjetet sociale, në Facebook dhe Instagram. Por ai nuk e kishte lënë me kaq. I kishte ndaluar bashkëshortes të bënte edhe make-up, duke i thënë se “atë e bënin vetëm prostitutat”.
Në shtëpi ai nuk kishte lënë më pasqyra. Gruaja dilte vetëm me të, ose me lejen e tij, dhe duhet të vishte rroba shumë më të mëdha se masa e saj, në mënyrë që të mos i dukeshin format. Sikur të mos mjaftonin këto, shqiptari ushtronte dhunë fizike ndaj gruas, në kohën kur ajo ishte shtatzënë.
Çmenduria e shqiptarit arriti kulmin kur ajo zbuloi tradhtitë e tij të përsëritura, dhe ai bëri vetëm këtë reagim: “Burri mund ta bëjë këtë. Gruaja jo, sepse ajo lindi nga brinjët e një burri, dhe duhet të nënshtrohet”.
Tortura e gruas nga Piacenza zgjatën pothuajse 6 vjet. Ajo ia doli që të shpëtonte nga ky makth, kur bashkëshorti i saj dhunues nuk ndodhej në shtëpi.
Disa ditë më parë ajo përfitoi kur burri i saj nuk ndodhej në shtëpi, dhe u largua bashkë me tre fëmijët për të shkuar në polici për të kërkuar ndihmë. Autoritetet italiane arrestuan shqiptarin, ndërsa gruaja ndodhet në një qendër rehabilitimi bashkë me fëmijët.
