Gramoz (Dritan) Rexhepi, nga burgu i Kuitos në Ekuador, ka mohuar të ketë lidhje me pengmarrjen e Jan Prengës. Ai i mëshon fort faktit se dikush tjetër ka përdorur emrin e tij, për të kërcënuar grupet kriminale pas humbjes së një sasie të madhe droge në Angli.
Gazetari investigativ Artan Hoxha, ka përcjellë disa detaje nga aktiviteti i Rexhepit në Shqipëri, teksa tregoi se në vitin 2006 është arratisur nga dyert e prokurorisë me një dosje në krah, pasi dera ishte lënë e hapur.
Në vitin 2006 ai është kapur në hollin e ‘Hotel Tiranës’ me dy armë pa leje. Rexhepi është kapur bashkë me shokun e tij. Policia e Durrësit u ‘xhelozua’ pse Policia e Tiranës e nxori si operacion të vetin, dhe u dërgua në Durrës. Ndërsa në Durrës teksa shkoi prokurori për ta marrë në pyetje, ai konstatoi se dera ku e kishin lënë kishte problem. Dikush e kishte lënë hapur atë derë. Në ato çaste, me mjaft mjeshtëri ktheu xhupin, mori një dosje në krah dhe doli jashtë. Sipas Artan Hoxhës, që nga ai moment nuk ka qenë në Shqipëri. Është arrestuar në Holandë në 2008, dhe është ekstraduar në Itali.
“Ky personazh nuk ka dalë së fundmi. Unë e mbaja mend sepse kam një karrierë të gjatë që merrem me terrenin. Këta personazhe janë pjesë e punës dhe kronikave tona. Mban mend një kronikë për Vlorën e ka nxjerrë ‘Rai 1” dikur për kanabisin në lumin e Vlorës.
Kur kam shkuar në lumin e Vlorës. Është një zonë e izoluar, por lulëzonte. Që nga ajo kohë, një nga emrat që më kishte tërhequr vëmendjen ishte Gramoz (Dritan) Rexhepi. Është 40 vjeç, është akuzuar për një ngjarje që kur ishte 18 vjeç.
Në fillim kemi thënë se ishin vrarë 2 policë, por është sqaruar se bëhej fjalë për një polic. Në Shqipëri është dënuar me burgim të përjetshëm.
Ngjarja që e vuri në qendër të vëmendjes është arrestimi në 2006, që është kapur në hollin e ‘Hotel Tiranës’, me dy armë pa leje, është kapur bashkë me shokun e tij.
Ka pasur një detaj. Policia e Durrësit u xhelozua pse Policia e Tiranës e nxorri si operacion të vetin, dhe u dërgua në Durrës. Ndërsa në Durrës teksa shkoi prokurori për ta marrë në pyetje, ai konstatoi se dera ku e kishin lënë kishte problem, dikush e la hapur atë derë. Ktheu xhupin, mori një dosje në krah dhe doli jashtë.
Aty sheh një polic dhe i thotë “mbarova punë, hajde ikim”. Roja e shoqëron dhe hapet dera dhe ai del. Që nga ai moment nuk ka qenë në Shqipëri. Është arrestuar në Holandë në 2008, dhe është ekstraduar në Itali. Dritan Rexhepi flet katër-pesë gjuhë të huaja. Ka mjaft kontakte të mira.
