Ajo është një nga artistet më të dashura për publikun dhe me këngët e saj është pranishme në çdo gëzim familjar të shqiptarëve jashtë dhe brenda vendit. Bëhet fjalë për këngëtaren e muzikës popullore Irini Qirjako e cila ditën e sotme e ftuar në emisionin ‘Ditë e re’ ka rrëfyer momentin më tragjik në jetën e saj.Ajo ka prekur me historinë e saj dy moderatorët, teksa ka treguar se solli në jetë binjak, një djalë dhe një vajzë, mirëpo 3 ditë pas lindjes djali i saj nuk arriti të mbijetonte dhe vdiq.
“Unë jam mami i një goce, Riviolës. Kisha dy fëmijë, një çun dhe një gocë, bëra binjakë por nuk qe e thënë që të më rronte çuni. Vdiq ditën e tretë të lindjes. Kam vajzën, është doktoreshë ne Gjermani”, tregoi këngëtarja e prekur.
Ndër të tjera Irini Qirjako foli dhe për vështirësitë që ka hasur në punë, por ka treguar se fal kujdesit të familjes dhe veçanërisht të bashkëshortit ka arritur që t’ia dal mbanë.“Ne artistët jemi shumë të forta por në momente pune voluminoze dhe që ka një përgjegjësi të madhe sigurisht që kemi ndihmë nga familja. Bashkëshorti im më ndihmon kur kam shumë punë sepse gjendja ime shpirtërore duhet të jetë e qetë, që të mos sëmuresh sepse po të fus duart në ujë ftohem” përfundoi Irini.