Është ndoshta vendimi më befasues nga një skuadër për Kupën e Botës në vitet e fundit. Joachim Low ka vendosur të lërë jashtë listës me 23 futbollistë, Leroy Sane, 22-vjeçarin i shpallur këtë vit lojtari i ri më i mirë i “Premier League”. Sane, i cili ka zhvilluar një sezon të jashtëzakonshëm me Manchester City-n në drejtim e Pep Guardiolës, ishte një nga futbollistët që mendohej se do të bënte diferencën në Botëror për Gjermaninë.
Gjithsesi ai ka humbur ‘betejën’ për një vend te ‘panzerat’ me futbollistin e Bayern Leverkusen, Julian Brandt. Menjëherë sapo njoftoi 23 futbollistët përfundimtar që do të marrë në Botëror, Low shpjegoi shkurt vendimin: “Ishte një vendim shumë i vështirë në mes tij dhe Julian Brandt, dhe që në fund rezultoi në favor të Brandt. Draxler, Reus dhe Müller janë vendosur. Leroy është shumë i talentuar. Sane do të kthehet prapë në kombëtare nga shtatori, por për momentin akoma nuk ka arritur nivelin e ndeshjeve ndërkombëtare.”
Portierë
Manuel Neuer
Marc-André ter Stegen
Kevin Trapp
Mbrojtës
Jonas Hector
Marvin Plattenhardt
Matthias GinterJoshua Kimmich
Mats Hummels
Jerome Boateng
Niklas Süle
Antonio Rüdiger
Mesfushorë
Thomas Müller
Mesut Özil
Marco Reus
Julian Brandt
Leon Goretzka
Toni Kroos
Sami Khedira
Ilkay Gündogan
Sebastian Rudy
Julian Draxler
Sulmuesë
Timo Werner
Mario Gomez
