Ministri i Brendshëm, Sandër Lleshaj ka reaguar lidhur me sulmin ndaj KZAZ-së nr.19 në Dibër nga militantët e Partisë Demokratike.
Përmes një postimi në “Twitter”, Lleshaj shkruan se KZAZ-ja e vendosur në shkollën “Nazmi Rushiti” është sulmuar me molotov, ndërsa theksoi se ligji do të veprojë ndaj çdo personi që kryen vepër penale.
“Verbëria e dhunës politike po sulmon sot me molotov KZAZ e vendosur në shkollën “Nazmi Rushiti” dhe Policinë në Dibër, nën drejtimin e përfaqësuesve të lartë të opozitës. Ligji do të veprojë pa asnjë mëdyshje ndaj çdo forme të krimit!”, shkruan Lleshaj.
