Ish-Presidenti, Alfred Moisiu shprehet se gjatë këtyre viteve është abuzuar shumë, teksa thekson se do vijë një kohë që do kërkohet përgjegjësi dhe llogari.
I ftuar në studion e “RTV Ora”, Moisiu tha se në dialog nuk mund të hyhet me kushte, por me bisedime.
“Gjatë këtyre viteve janë bërë shumë zullume, abuzime dhe mashtrime. Dhe ne po të njëjtët politikanë i kemi akoma në krye të punëve. Do vijë një kohë që do kërkohet përgjegjësi dhe llogari. Reforma në drejtësi këtë qëllim ka.
Duke stabilizuar drejtësinë ajo do stabilizojë dhe politikën. Deri tani nuk kemi asnjë politikan prapa hekurave që e meritojnë.
Nuk mund të hysh në dialog me kushte, në dialog duhet të hysh të bisedosh, duke pasur parësore të ardhmen e vendit”, deklaroi Moisiu.
